Published :26-Mar-2017

ഇരിങ്ങാലക്കുട : സമ്പൂര്‍ണ്ണ വൈദ്യൂതികരണ മണ്ഡലമായി ഇരിങ്ങാലക്കുടയെ വീണ്ടും പ്രഖ്യാപിക്കുന്നതിന് മുന്‍പേ വെളിച്ചം പകര്‍ന്ന് തുടങ്ങിയതാണ് ഇരിങ്ങാലക്കുട ബസ് സ്റ്റാന്റിലെ ഈ തെരുവ് വിളക്ക്.വൈദ്യൂതി അമൂല്യമാണ് എന്ന് ജനങ്ങളെ ബോധിപ്പിക്കേണ്ട കടമയുള്ള നഗരസഭ തന്നെ പട്ടാപകല്‍ തെരുവ് വിളക്ക് കത്തിച്ചിടുന്നത് പ്രതിഷേധത്തിനിടയാക്കുന്നുണ്ട്.ബസ് ജീവനക്കാര്‍ക്കും യാത്രക്കാര്‍ക്കും ഏറെ ഉപകാരപ്രദമായ ബസ് സ്റ്റാന്റിലെ ക്ലോക്ക് നിലച്ചിട്ട് വര്‍ഷങ്ങളാകുന്നു ഇതിനിടയില്‍ ഡിജിറ്റല്‍ ക്ലോക്ക് പരിക്ഷിച്ചെങ്കില്ലും മാസങ്ങള്‍ക്കുള്ളില്‍ അതും അപ്രത്യക്ഷമായി. ബസ് സ്റ്റാന്റില്‍ തന്നെയുള്ള ഹൈമാക്‌സ് ലൈറ്റ് രാത്രി കാലങ്ങളില്‍ പോലും കത്തുന്നില്ല.ഇതിനെതിരെ നാട്ടുക്കാര്‍ നിരവധി തവണ റീത്ത് സമര്‍പ്പിച്ച് പ്രതിഷേധച്ചെങ്കില്ലും കണ്ണടച്ച് ഇരുട്ടാക്കുകയാണ് ജനപ്രതിനിധികളെന്ന് നാട്ടുക്കാര്‍ ആരോപിക്കുന്നു.
 
Published :26-Mar-2017
ഇരിങ്ങാലക്കുട: സമ്പൂര്‍ണ്ണ വൈദ്യൂതികരണം രണ്ടാംഘട്ടം പൂര്‍ത്തിയാക്കിയിട്ടും ഇരിങ്ങാലക്കുട നിയോജക മണ്ഡലത്തില്‍ വെള്ളവും വെളിച്ചവുമെത്താതെ ഒരു അംഗനവാടി. പൂമംഗലം ഗ്രാമപഞ്ചായത്തില്‍ നാലാം വാര്‍ഡിലെ 109-ാം നമ്പര്‍ സഹൃദയ അംഗനവാടിയ്ക്കാണ് ഇനിയും വൈദ്യൂതി കണക്ഷന്‍ ലഭിക്കാത്തത്. പഞ്ചായത്ത് പ്രസിഡന്റ് വര്‍ഷ രാജേഷിന്റെ വാര്‍ഡിലാണ് അംഗനവാടി സ്ഥിതി ചെയ്യുന്നത്. അംഗനവാടികള്‍ക്ക് വൈദ്യൂതി കണക്ഷന്‍ സൗജന്യമാണെങ്കിലും വയറിംഗ് പൂര്‍ത്തിയാക്കാത്തതാണ് കണക്ഷന്‍ ലഭിക്കാന്‍ തടസ്സമായത്. എന്നാല്‍ സമ്പൂര്‍ണ്ണ വൈദ്യൂതികരണ വേളയില്‍ അംഗനവാടി വയറിംഗ് ചെയ്യാന്‍ കെ.എസ്.ഇ.ബിയോ, പഞ്ചായത്തോ നടപടിയെടുക്കാതിരുന്നതാണ് ഈ അവസ്ഥയ്ക്ക് കാരണമെന്നും ആക്ഷേപമുണ്ട്. വെളിച്ചം മാത്രമല്ല, വെള്ളവും ഗ്യാസ് കണക്ഷനും ഈ അംഗനവാടിക്ക് ഇതുവരെ ലഭിച്ചിട്ടില്ല. എം.എല്‍.എയുടെ വികസന ഫണ്ടില്‍ നിന്നുള്ള തുക ഉപയോഗിച്ച് 2013ലാണ് പുതിയ അംഗനവാടി കെട്ടിടം പൂര്‍ത്തിയാക്കിയത്. അതിനുമുമ്പ് 20ഓളം കുട്ടികള്‍ പഠിച്ചിരുന്ന അംഗനവാടിയില്‍ ഇപ്പോള്‍ പഠിക്കുന്നത് നാലുപേര്‍ മാത്രമാണ്. വെള്ളവും വെളിച്ചവുമില്ലാത്തതിനാല്‍ രക്ഷിതാക്കള്‍ കുട്ടികളെ അംഗനവാടിയിലേക്ക് വിടാന്‍ സമ്മതിക്കുന്നില്ലെന്ന് ടിച്ചര്‍ പറഞ്ഞു. വൈദ്യൂതിക്കുവേണ്ടിയുള്ള വയറിംഗ് പോലും അംഗനവാടിയില്‍ പൂര്‍ത്തിയാക്കിയിട്ടില്ല. സമ്പൂര്‍ണ്ണ വൈദ്യൂതി കരണത്തിനുവേണ്ടി ഓരോ പഞ്ചായത്തിലേയും വാര്‍ഡ് മെമ്പര്‍മാര്‍ വൈദ്യൂതി കണക്ഷന്‍ കിട്ടാത്തത് അന്വേഷിക്കണമെന്ന് എം.എല്‍.എ നിര്‍ദ്ദേശിച്ചിരുന്നു. വീട്ടുനമ്പര്‍ ഇട്ടിട്ടില്ലെങ്കില്‍ പോലും കണക്ഷന്‍ നല്‍കണമെന്നായിരുന്നു എം.എല്‍.എ പറഞ്ഞിരുന്നത്. എന്നാല്‍ ഈ അംഗനവാടിയുടെ കാര്യം പഞ്ചായത്തും കെ.എസ്.ഇ.ബിയും മറന്നുവെന്നാണ് ജനം പറയുന്നത്. പൈപ്പ് കണക്ഷനുള്ള ലൈന്‍ അംഗനവാടിക്ക് സമീപം വരെ എത്തിനില്‍ക്കുന്നുണ്ട്. പഞ്ചായത്തില്‍ നിന്നും ഒരു പേപ്പര്‍ ലഭിച്ചാല്‍ കണക്ഷന്‍ നല്‍കാമെന്നാണ് വാട്ടര്‍ അതോററ്റി കരാറുകാരന്‍ പറയുന്നത്. എന്നാല്‍ ഇക്കാര്യത്തിലും പഞ്ചായത്ത് വേണ്ടത്ര ശുഷ്‌കാന്തി കാണിക്കുന്നില്ലെന്നും ആക്ഷേപമുണ്ട്.  
 
Published :26-Mar-2017
ഇരിങ്ങാലക്കുട: ഊരകം സെന്റ് ജോസഫ്‌സ് സി എല്‍ സി ലോക സി എല്‍ സി ദിനം ആഘോഷിച്ചു.കല്ലേറ്റുംക്കര ദിവ്യകാരുണ്യാശ്രമത്തില്‍ കുട്ടികളോടൊപ്പം നടന്ന ആഘോഷ പരിപാടികള്‍ റവ.ഡോ.ബെഞ്ചമിന്‍ ചിറയത്ത് ഉദ്ഘാടനം ചെയ്തു.സംസ്ഥാന ജനറല്‍ സെക്രട്ടറി ഷോബി കെ.പോള്‍, മുന്‍ രൂപത പ്രസിഡന്റ് തോമസ് തത്തംപിള്ളി, സിസ്റ്റര്‍ ഐറിന്‍ മരിയ, ദിവ്യകാരുണ്യാശ്രമം ഡയറക്ടര്‍ കെ.എല്‍.ജേക്കബ്,  ഭാരവാഹികളായ ക്രിസ്റ്റിന്‍ സ്റ്റീഫന്‍, അലക്‌സ് ജോസ്, സോന ജോയി, റോസ്‌ന സെബാസ്റ്റ്യന്‍, സിബി ജേക്കബ് എന്നിവര്‍ പ്രസംഗിച്ചു.
 
Published :26-Mar-2017
ഇരിങ്ങാലക്കുട : 'പൊക്കമില്ലായ്മയാണെന്റെ പൊക്കമെന്നു'ഉറക്കെ വിളിച്ചു പറഞ്ഞ കവി കുഞ്ഞുണ്ണി മാഷുടെ 11-ാം ചരമവാര്‍ഷികം മാര്‍ച്ച് 26 ന് ആചരിക്കുകയാണ്.പൊക്കമില്ലായ്മ തന്റെ വ്യക്തിത്വത്തിന്റെ അടയാളമാണെന്നും ,അനാവശ്യമായി തന്നെ ഉയര്‍ത്തിപ്പിടിച്ച്,സ്വതസിദ്ധമായ വസ്തുതകള്‍ ഇല്ലായ്മ ചെയ്യരുതെന്നുമദ്ദേഹം വിനയപുരസ്സരം കവിതയിലൂടെ വെളിപ്പെടുത്തുന്നു.തികച്ചും അര്‍ത്ഥവത്തായ ഈ ആശയം പച്ച മനുഷ്യരെ പിടിച്ചു കുലുക്കാതിരിക്കയില്ല.അവനവന്‍ ആരാണെന്നറിയാന്‍ ശ്രമിയ്ക്കാതെ മരീചികകളില്‍ ഭ്രമിയ്ക്കുന്ന സമകാലീന സമൂഹത്തെ തുറന്നു കാണിയ്ക്കുക കൂടിയാണെന്നദ്ദേഹം ഈ വരികളില്‍ക്കൂടി ചെയ്തിരിക്കുന്നത്.പെറ്റമ്മയോളം പ്രാധാന്യം മാതൃഭാഷയ്ക്ക് നല്‍കണമെന്ന അടിസ്ഥാന ആശയത്തില്‍ നിന്ന് അണുവിട അകന്നു നില്‍ക്കാത്ത അദ്ദേഹത്തെ മലയാളികള്‍ അര്‍ഹിക്കുന്ന വിധത്തില്‍ മനസ്സിലാക്കിയിട്ടുണ്ടെന്ന് തോന്നുന്നില്ല.വായനയിലൂടെ വിളയിച്ചെടുക്കേണ്ടതാണ് ഭാഷാസ്വാധീനമെന്ന് മാഷ് ഊന്നിപ്പറയുന്നു.എഴുത്തച്ഛനില്‍ നിന്നാരംഭിച്ച ആ മഹത്തായ പൈതൃകം മൗലികമായി നിലനിര്‍ത്തേണ്ടതിന്റെ ആവശ്യകത മലയാളി പലപ്പോഴും മറന്നു പോവുകയാണ്.ഇന്നത്തെ എഴുത്തിന്റെ അസാധാരണത്വവും,അസ്വാഭാവികതയും അതാണ് വിളിച്ചറിയിക്കുന്നത്.അക്ഷരങ്ങള്‍ മനസ്സില്‍ അനുരണനങ്ങള്‍ സൃഷ്ടിച്ചാല്‍ മാത്രമേ രസഹനീയമായ ആസ്വാദനം സാധ്യമാവുകയുള്ളൂ.വിദ്യയും വിനയവും പരസ്പരപൂരകങ്ങളാണെന്ന മാഷുടെ അഭിപ്രായത്തിന് ആയിരം നാവുകള്‍ ഉണ്ട്.വിദ്യാഭ്യാസത്തിന്റെ അടിസ്ഥാന ആശയത്തിലേയ്ക്കു കൂടിയാണ് കവി വിരല്‍ ചൂണ്ടുന്നത്.ഉപാസനപൂര്‍വ്വം സമീപിച്ചാല്‍ മാത്രമേ യഥാര്‍ത്ഥ വിദ്യാഭ്യാസത്തിന്റെ അടിത്തട്ടിലേയ്ക്കിറങ്ങിച്ചെല്ലാനാവുകയുള്ളുവെന്ന് ആദ്ദേഹം പറഞ്ഞു വയ്ക്കുന്നു.തലയും മുറയുമില്ലാത്തവരായി മലയാളി മാറിക്കൊണ്ടിരിക്കുന്നതിന്റെ ഉത്തരവാദിത്വത്തില്‍ നിന്ന് ആര്‍ക്കും ഒഴിഞ്ഞു മാറാനാകില്ലെന്ന് ഇന്നത്തെ ഓരോ അവസ്ഥയും ഉദാഹരിയ്ക്കുന്നു.
ഉണ്ണികൃഷ്ണന്‍ കിഴുത്താണി
 
Published :25-Mar-2017
ഇരിങ്ങാലക്കുട : കേരള മുഖ്യമന്ത്രിയുടെ വിശിഷ്ട സേവനത്തിനുള്ള സര്‍വ്വീസ് മെഡല്‍ നേടിയ ഇരിങ്ങാലക്കുട ഫയര്‍ ആന്റ് റെസ്‌ക്യൂ സ്റ്റേഷനിലെ ഫയര്‍മാന്‍ കെ.സി.സജീവനെ സഹപ്രവര്‍ത്തകരും, നാട്ടുകാരും ചേര്‍ന്ന് അനുമോദിച്ചു. അഗ്‌നി രക്ഷാ നിലയത്തില്‍ നടന്ന ചടങ്ങില്‍ പ്രൊഫ.കെ.യു. അരുണന്‍ എം.എല്‍.എ സജീവനെ പൊന്നാടയണിയിച്ച് ഉപഹാരം നല്‍കി ആദരിച്ചു. സ്റ്റേഷന്‍ ഓഫീസര്‍ വി.വിന്‍സെന്റ് അദ്ധ്യക്ഷത വഹിച്ച ചടങ്ങില്‍ മുനിസിപ്പല്‍ സ്റ്റാന്റിങ്ങ് കമ്മിറ്റി ചെയര്‍മാന്‍ എം.ആര്‍.ഷാജു, മുന്‍ പൊറത്തിശ്ശേരി പഞ്ചായത്ത് പ്രസിഡന്റ് എം.ബി.രാജു, വാര്‍ഡ് കൗണ്‍സിലര്‍ കെ. ഡി. ഷാബു, കെ.എസ്.സുബീഷ് മോന്‍, എ.ബൈജു, കെ.ആര്‍.ജോസ്, കെ.സി.സജീവ് എന്നിവര്‍ അനുമോദിച്ച് സംസാരിച്ചു. അസി. സ്റ്റേഷന്‍ ഓഫീസര്‍ എല്‍.കുരിയാക്കോസ് സ്വാഗതവും, കെ.എന്‍.സുധാകരന്‍ നന്ദിയും പറഞ്ഞു.
 
Published :25-Mar-2017
ഇരിങ്ങാലക്കുട : കുട്ടികളുടെ കലാപരമായ കഴിവുകള്‍ പരിപോഷിപ്പിക്കുന്നതിനായി ഹാന്‍ഡ് റെറ്റിംങ്ങ് ആന്റ് പെന്‍സില്‍ ഡ്രോയിംങ്ങ് മത്സരം സംഘടിപ്പിക്കുന്നു.ഏപ്രില്‍ 8 ന് ഇരിങ്ങാലക്കുട കെ എസ് പാര്‍ക്കിലാണ് മത്സരം സംഘടിപ്പിക്കുന്നത്.വിജയമോ പരാജയമോ അല്ല നിങ്ങളുടെ കുട്ടിയുടെതായ സെറ്റയ്ല്‍ ഉണ്ടാക്കുന്നതിന് ഈ മത്സരം സഹായിക്കുമെന്ന് സംഘാടകര്‍ ഉറപ്പ് പറയുന്നു.ഏപ്രില്‍ 9 ന് 5മണിയ്ക്ക് ബ്രയിനോബ്രയിന്‍ ടീം അവതരിപ്പിക്കുന്ന ലൈവ് ഡെമോ പരിപാടിയില്‍ വെച്ച് വിജയികള്‍ക്ക് സമ്മാനദാനം നിര്‍വഹിക്കുന്നു.മത്സരത്തില്‍ പങ്കെടുക്കാന്‍ ആഗ്രഹിക്കുന്നവര്‍ നിങ്ങളുടെ കുട്ടിയുടെ പേരും,വയസും,ക്ലാസും,സ്‌ക്കൂള്‍ എന്നിവ 8893089765 എന്ന നമ്പറില്‍ ബദ്ധപെടുക.
 
Published :25-Mar-2017
മുരിയാട് : ജനകീയാസൂത്രണ പദ്ധതിയില്‍ ഉള്‍പെടുത്തി പട്ടികജാതി വിഭാഗത്തില്‍പ്പെട്ട പ്രൊഫഷണല്‍ കോഴ്‌സ്‌ന് പഠിക്കുന്ന 12 വിദ്യാര്‍ത്ഥികള്‍ക് ലാപ്‌ടോപ്പ്കള്‍ വിതരണം ചെയ്തു.വിതരണോല്‍ഘാടനം പഞ്ചായത്ത് പ്രസിഡന്റ് സരള വിക്രമന്‍ നിര്‍വഹിച്ചു.വിദ്യാഭസ ആരോഗ്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ മോളി ജേക്കബ് അദ്ധ്യക്ഷത വഹിച്ച യോഗത്തില്‍ പഞ്ചായത്ത് അംഗങ്ങളായ അജിത രാജന്‍, തോമസ് തൊകലത്ത്, വല്‍സന്‍.ടി.വി., ജോണ്‍സണ്‍ എ .എം. ,കെ.വൃന്ദ കുമാരി, ടെസ്സി ജോഷി, കവിത ബിജു, പഞ്ചായത്ത് സെക്രട്ടറി സിന്ധു, എം.ശാലിനി  എന്നിവര്‍ പ്രസംഗിച്ചു.
 
Published :25-Mar-2017
ഇരിങ്ങാലക്കുട: തിരക്കുള്ള ബസ്സുകളില്‍ സ്ത്രീകളുടെ മാല മോഷ്ടിക്കുന്ന തമിഴ് സ്ത്രീയെ ഇരിങ്ങാലക്കുട പോലിസ് പിടികൂടി. തമിഴ്നാട് മധുര സ്വദേശി മാരിയമ്മ എന്ന് വിളിക്കുന്ന പാര്‍വ്വതി (48) നെയാണ് ഇരിങ്ങാലക്കുട സി.ഐ എം.കെ സുരേഷ് കുമാറും സംഘവും അറസ്റ്റ് ചെയ്തത്. ഇരിങ്ങാലക്കുടയില്‍ നിന്നും ചാലക്കുടി ഭാഗത്തേക്ക് പോവുകയായിരുന്ന സ്വകാര്യ ബസ്സില്‍ ഒരു സ്ത്രീയുടെ മാല പൊട്ടിക്കാന്‍ ശ്രമിക്കുന്നതിനിടയിലാണ് പ്രതി പിടിയിലായത്. ഇവര്‍ക്ക് ഇരിങ്ങാലക്കുട, ചാലക്കുടി, ഗുരുവായൂര്‍, കൊടുങ്ങല്ലൂര്‍, അങ്കമാലി, കാലടി തുടങ്ങി നിരവധി സ്റ്റേഷനുകളില്‍ കേസുകള്‍ നിലവിലുണ്ട്. മാല പൊട്ടിച്ച കേസില്‍ അങ്കമാലി പോലിസ് സ്റ്റേഷനില്‍ പിടികിട്ടാപ്പുള്ളിയായ പ്രതിയെ അങ്കമാലി പോലിസിന് കൈമാറി. പ്രതി നിരവധി തവണ ജയില്‍ശിക്ഷ അനുഭവിച്ചിട്ടുണ്ടെന്ന് പോലിസ് പറഞ്ഞു. അന്വേഷണ സംഘത്തില്‍ വനിത എസ്.ഐ ഇന്ദിര, എ.എസ്.ഐ അനില്‍ തോപ്പില്‍, മുരുകേഷ് കടവത്ത്, വനിത പോലിസുകാരായ അപര്‍ണ്ണ ലവകുമാര്‍, വിവാ പ്രദീപ് എന്നിവരും ഉണ്ടായിരുന്നു.
 
അക്ഷരമൂല
ചരമം
കരുവന്നൂര്‍ : പേച്ചേരി വീട്ടില്‍ ഗംഗാധരന്‍ (85) അന്തരിച്ചു.സംസ്‌ക്കാരം നടത്തി.ഭാര്യ ദേവിക,മക്കള്‍ സുധാകരന്‍,ഉഷ,മേനക.മരുമരുമക്കള്‍ ലതിക,രാമകൃഷ്ണന്‍,തിലകന്‍
Birthday
ഇരിങ്ങാലക്കുട ഡോട്ട് കോം ഫാക്കല്‍റ്റിയും ഊരകം ദേവാലയത്തിലെ മാതൃസംഘം പ്രസിഡന്റുംമായ ബിന്‍ ജോസിന് ജന്മദിനാശംസകള്‍